足本訪問：陳蕾談為《看我今天怎麽說》主題曲學手語 72位聾人及聽人合演MV 講出對自由的嚮往 鍾雪難忘大排檔戲 游學修憶痛苦往事
【Viu】游學修、鍾雪瑩、吳祉昊主演嘅電影《看我今天怎麽說》即將上映，導演黃修平、鍾志輝操刀嘅電影主題曲MV《What If》都已推出！除咗主唱陳蕾之外，參與MV演出嘅仲有來自唔同身份階層嘅72位聾人、聽人。大家一齊用手語，一句接一句演繹歌詞。MV一開始，兩位小演員用手語問：「可以選 我可以選甚麼？」結尾再由唔同嘅演出者做出相同嘅答案，講出唔少人對自由嚮往嘅心聲！ 陳蕾為咗演出特別學咗一啲手語，又話：「我特別鍾意兩句歌詞：『從前遺憾的語氣 無窮傳達裡沒有顧忌』，令我有好多唔同嘅想像空間。」 游學修、鍾雪瑩、吳祉昊講起拍MV嘅感受時，都勾起拍戲嘅回憶！一場大排檔戲份令阿雪好難忘，阿修為今次MV拍攝重新學手語，佢諗返起開拍前半年嘅痛苦回憶。佢仲語重心長咁講：「我覺得呢一部電影唔單止講緊聾人或者手語，而係講緊一種力量，對我嚟講係一個身份嘅認同、一種共鳴感或者迷失嘅時候會有一種動力！」
【Viu】游學修、鍾雪瑩、吳祉昊主演嘅電影《看我今天怎麽說》即將上映，導演黃修平、鍾志輝操刀嘅電影主題曲MV《What If》都已推出！除咗主唱陳蕾之外，參與MV演出嘅仲有來自唔同身份階層嘅72位聾人、聽人。大家一齊用手語，一句接一句演繹歌詞。MV一開始，兩位小演員用手語問：「可以選 我可以選甚麼？」結尾再由唔同嘅演出者做出相同嘅答案，講出唔少人對自由嚮往嘅心聲！
陳蕾為咗演出特別學咗一啲手語，又話：「我特別鍾意兩句歌詞：『從前遺憾的語氣 無窮傳達裡沒有顧忌』，令我有好多唔同嘅想像空間。」
游學修、鍾雪瑩、吳祉昊講起拍MV嘅感受時，都勾起拍戲嘅回憶！一場大排檔戲份令阿雪好難忘，阿修為今次MV拍攝重新學手語，佢諗返起開拍前半年嘅痛苦回憶。佢仲語重心長咁講：「我覺得呢一部電影唔單止講緊聾人或者手語，而係講緊一種力量，對我嚟講係一個身份嘅認同、一種共鳴感或者迷失嘅時候會有一種動力！」
