現場實況： MC張天賦初嘗與賦二代倒數 hyper迎2025 許下操四嚿腹肌兼強力臂彎承諾 fans等睇找數 爆身體響「警號」 難分音色：好似揸車睇唔到路！
【Viu】MC張天賦正喺澳門舉行總共5場、橫跨兩個周末嘅《This is MC 2 LIVE IN MACAU》跨年演唱會！噚晚2024最後一日，首次同「賦二代」倒數嘅MC顯得份外興奮又緊張，即場加碼送新年大禮，除咗額外唱多3首歌《乾》、《最低保障》、《Good Time》之外，仲首唱元旦新歌《說謊者》畀賦二代聽添，喺現場嘅賦二代堅係超幸福！而對《說謊者》因早前系統出錯，意外提早放上某音樂串流平台，MC鬼馬笑斥新歌偷走出嚟「好曳」！緊張進入戲肉倒數環節，當大螢幕突然出現倒數數字嗰陣，有賦二代突然起哄大叫：「除衫！」MC搞笑許下新年願望：「我拍完戲之後應承自己，一定要有八嚿？唔係八嚿，六嚿啦！呀⋯⋯四嚿腹肌喇！我一定要2025年騷一次畀大家睇，仲有強而有力嘅臂彎⋯⋯除衫唔係今日，今次係我第一次同五千人倒數！」有片有證據，就睇吓MC幾時「找數」啦！MC喺台上出盡二百分努力演出，狀態大勇，但原來佢打從前日29號演唱會，身體已開始出狀況，令佢史無前例咁驚！MC自爆未試過聽嘢完全分唔到任何音，形容就好似揸車睇唔到路咁，超級驚！所以佢特別多謝賦二代每一位嘅掌聲：「不論係我一上一落、每首歌起奏完結，大家都畀鼓勵我，但禍不單行，我噚日早上開始feel到我扁桃好痛，發炎食咗藥，不過都證明咗我病都唱到歌！」最後MC亦希望大家將所有唔開心都留喺2024，開心迎接全新一年！同時希望MC快啲好返，繼續唱好歌！ 瀏覽 Viu網頁觀看影片 瀏覽 Viu網頁
【Viu】MC張天賦正喺澳門舉行總共5場、橫跨兩個周末嘅《This is MC 2 LIVE IN MACAU》跨年演唱會！噚晚2024最後一日，首次同「賦二代」倒數嘅MC顯得份外興奮又緊張，即場加碼送新年大禮，除咗額外唱多3首歌《乾》、《最低保障》、《Good Time》之外，仲首唱元旦新歌《說謊者》畀賦二代聽添，喺現場嘅賦二代堅係超幸福！而對《說謊者》因早前系統出錯，意外提早放上某音樂串流平台，MC鬼馬笑斥新歌偷走出嚟「好曳」！
緊張進入戲肉倒數環節，當大螢幕突然出現倒數數字嗰陣，有賦二代突然起哄大叫：「除衫！」MC搞笑許下新年願望：「我拍完戲之後應承自己，一定要有八嚿？唔係八嚿，六嚿啦！呀⋯⋯四嚿腹肌喇！我一定要2025年騷一次畀大家睇，仲有強而有力嘅臂彎⋯⋯除衫唔係今日，今次係我第一次同五千人倒數！」有片有證據，就睇吓MC幾時「找數」啦！
MC喺台上出盡二百分努力演出，狀態大勇，但原來佢打從前日29號演唱會，身體已開始出狀況，令佢史無前例咁驚！MC自爆未試過聽嘢完全分唔到任何音，形容就好似揸車睇唔到路咁，超級驚！所以佢特別多謝賦二代每一位嘅掌聲：「不論係我一上一落、每首歌起奏完結，大家都畀鼓勵我，但禍不單行，我噚日早上開始feel到我扁桃好痛，發炎食咗藥，不過都證明咗我病都唱到歌！」最後MC亦希望大家將所有唔開心都留喺2024，開心迎接全新一年！同時希望MC快啲好返，繼續唱好歌！
