〈好食〉再遇雲南菜 太古阿詩瑪
【A&M Diary】無論喺太古返工定居住，開業多年，主打雲南菜嘅阿詩瑪，係該區嘅名店，真係無人唔識！當年更引入各種香港少見嘅雲南特產作食材，絕對係夠晒正宗風味。業務重整後，近日終於強勢回歸，唔知味道又係唔係嗰陣味呢？ 冰鎮黃金耳雲南地形複雜，孕育咗唔同種類嘅野生食用菇菌，而嚟自雲南大理沙溪嘅金耳素有「植物燕窩」、「菌中燕窩」之稱，健身養生之餘，口感Q彈又有嚼勁，冰鎮嘅食法加上wasabi同豉油，非常清新醒胃。 金獎涼白肉蒜泥白肉肥而不膩，五花腩肥瘦相間，入口非常軟綿，加埋墊底嘅青瓜絲一齊食，口感更豐富！ 昭通醬雞翼比較少接觸嘅昭通醬，原來堪稱雲南醬王！醬色呈啡紅色，色澤油潤，味道甜辣繼而鹹香，而雞翼夠入味，咬落超嫩夠汁，係必食推介。 招牌過橋米線食雲南菜又點少得過橋米線呢！阿詩瑪嘅過橋米線配料以木橋作碟，想影相打卡就要快，因為配料要趁滾熱嘅湯時放入。而配料有蝦、腐竹、韭菜、蔥花、火腿、雞肉等，將所有配料放入金黃色嘅湯底入邊，品嘗新鮮滾燙嘅正宗過橋米線。
【A&M Diary】無論喺太古返工定居住，開業多年，主打雲南菜嘅阿詩瑪，係該區嘅名店，真係無人唔識！當年更引入各種香港少見嘅雲南特產作食材，絕對係夠晒正宗風味。業務重整後，近日終於強勢回歸，唔知味道又係唔係嗰陣味呢？
冰鎮黃金耳
雲南地形複雜，孕育咗唔同種類嘅野生食用菇菌，而嚟自雲南大理沙溪嘅金耳素有「植物燕窩」、「菌中燕窩」之稱，健身養生之餘，口感Q彈又有嚼勁，冰鎮嘅食法加上wasabi同豉油，非常清新醒胃。
金獎涼白肉
蒜泥白肉肥而不膩，五花腩肥瘦相間，入口非常軟綿，加埋墊底嘅青瓜絲一齊食，口感更豐富！
昭通醬雞翼
比較少接觸嘅昭通醬，原來堪稱雲南醬王！醬色呈啡紅色，色澤油潤，味道甜辣繼而鹹香，而雞翼夠入味，咬落超嫩夠汁，係必食推介。
招牌過橋米線
食雲南菜又點少得過橋米線呢！阿詩瑪嘅過橋米線配料以木橋作碟，想影相打卡就要快，因為配料要趁滾熱嘅湯時放入。而配料有蝦、腐竹、韭菜、蔥花、火腿、雞肉等，將所有配料放入金黃色嘅湯底入邊，品嘗新鮮滾燙嘅正宗過橋米線。
